Samo si dobro popiti...
Veli stara narodna neobrcka "Samo da Kojzača i Dolni Ruševec pobede i mi smo v plusu". Ali,.. kak je ta kombinacija zakazala z taktičko-tehničke razlogov moralo se pribeči planom nižega reda. Kaj pak pod znak upitnika meče onaj tal o pozitive. Ali! To ni razlog da si nebi popili. Miši su pak smajnili svijnsku populaciju v selu kaj je rezulteralo opčenarodnem oduševlejnem a za opčenarodno veselje isti su potegnuli z rukava "Iva, Jura i Pepa" bend. Pepa, to je ovaj kaj samo bambuse pije. Rešiš je 30 komadi a onda te nenadano odreže kak matorka. Iako su jem domači priredili produžni na bine bend se odlučil stacijonerati čem bliže šanku. To sigurno ima razloge gliboko ukorenjene v iskustvu. I si opčinski suncobrani i šatori su završili v Boriščaku. Za suđenje su se pobriguvali sami Povereniki Lig, za (da)nas samo birano i najbole. Brajko je skoristil sobotu da malo razgazi espadrolje kaj mu je brat z Nemačke poslal, kaj samo po sebe more jedino značiti da bu fučkal jedino *. A i z dolaskom na predzajdnu utakmicu potvrdil je prijespomenuto. Kirijaši su skoristili priliku da parkeraju dve vr`om pune đeze drvi, kaj jem je v naletu najhujše žuči v glavu skoro konfiscerala patrola 041 i otpelala na miliciju, i najprije odlejeju a posle prilejeju Đajićeve čarobne tekučine v svoja vubita telesa. Event su pohodili si kaj nekaj vrede i znače v ove naše nogoloptačke hemisfere. Čak se postavilo i pitajne, kaj posle Lige. Za dva se mesece našlajsaš na mali nogomet a onda to najemput nestane kak pečenjaru kečapa. Ekvivalenta ni. To su duševne boli kak i zgublena lubav, i prelo bez dna i kraja.
Dok Čičani spremno tavore v Boriščaku još od kvalitetne četvorke, popoldnevne mere, Ilovače ni niti v tragima. Pomalo se rolaju osvežavajuča pijača i leži betoni. Čak su i Kočani, šprajceri, uspeli dojti prije. Jel ovi opče znaju da denes igraju? Kad, eto Mike i Žaca, saki solo. Šta je ovo, kru` te *? Veli, kaj se sekeraš, imamo se pokrito; ja branim a Žac igra špicu špice v napadu. Mam da su došli v vizualni kontakt visoki, i široki, predstavnik domačina pofalil je ukupni dojam i vis-a-vis svega kolege z Ilovače; unda, jel ovo privami bilo čera il prekčera? Kaj škiliš kak miš z posej? Zgledaš kak da te kombajn zgazil. Inače si, ovak, čisto fajn. Veli, fala, također. Koštalo te bu na šanku. Patil buš tam de te najbole boli. Posle se skupilo šaroliko društvo Ilovače kaj je pod suncobranom trebilo teme o tem tera je farba štumfe bola, dok su se Čičani zagrijavali. Reko, a, ovaj..? Veli, a, jooooj, a kaj te to *? Kak se `Ojtna zagrijava vuz gajbu, kak se Ruševec zagrijava spred dučana tak se mi zagrijavamo par dan prije. Evo, prekčera smo se zagrijavali. I, stvarno, stvar funkcionera. Posle slikajna "na glave", normalnoga i nenormalnoga, na pogon Drage Nošca Ilovača zbija v utakmice za kopito naprovo, iako su noge teške a glava lagana, i još posle nadodavaju jenoga. Messi dolazi na utakmicu ne 5 do 12, ne 12-00, ne 12 i 5 nek ob 12 i 15. Čičani skoriščavaju jen fliper v obrane Ilovače da skratiju prednost "domačina" a na kraju ne skoriščavaju priliku za poravnajne kaj jem je pružil Amada (Amada ima 25 kil z krevetom a of kaj ga on "čuva" četiri put više, ali Amada je krif, nek bu dete krivo). Da mu je stari bil na utakmice, v slučaju lošega rezultata, z baltum bi ga po šume nagajnal. Ovak si je samo pojel juvu i popil pivu, dijetecku. Da ima vekšu minutažu bole bi odigral. Šeki, jen Šeki, je prije njega skoristil priliku da pokaže kak je to fulati "i ni bila neka šansa", na oduševlejne razdragane mase. Posle si je Žac našel najmekši stolec v Boriščaku, parkeral ga spred svoje ekipe i guštal v pive. Mi smo svoje, veli,.. tradicionalno,.. obavili. Glu-glu-glu-glu...
Pristup, stega, motivacija. Do got je postrojaval i treneral Tesare dober je posel obavil. Osim onoga golmana, kaj je za* i cug i šefa stanice i čistačicu i dva i pol kilometre štreke. Moral je Mika pak zasukati rukave i podvrči pleča pod vratnice Tesarov. Ali tek mam posle da se najdeju colni kluči i imbusi kaj su je letos zgubili v Boriščaku a bez nje generalka na FAPu zgleda kak nemoguča misija. Da je taj sitni problemčić rešen moglo se pristupiti poslu radi teroga se silna svetina skupila v Đajičeve autonomije, tera skoro nema granice, osim one opičinske. Parikožari su formerali ekipu zmed "dosta" i "mini mi". Održan je prije utakmice sabor i potvrđen je kvorum. Uniformeranost je prisutna, jednobraznost oče oči predreti. Pari par ekselans, kaj got to značilo. Na plave strane v plavem čošku podbočil se član prve šestorke MNLVG16. a na crvene strane v črlenem čošku sličnu pozu zauzel je najboli golman MNLTP5. Najprije je počelo v stilu "Dubranec - Opatija v Gladovcu", samo bez Šekija. Napadaju nijovi, napadaju naši ali kak da bi kurtone navlekel na gole, 99% je šanse da ne gol. Pet minut do kraja prvoga tala a Parikožari vodiju z 4-2 v fauli; Leš v sakem faulu uživa kak v dobitku na kladijonice. Veli, samo tak, udri, ma, bravo, genijalno, to, majstore, super, dej još, fantastično...
Ak se veli da ti je golman pol ekipe za Parikožare bi se moglo reči da je (pol) ekipe/a (pol) golman(a). Z drugum ekipum most ta "harmonika" nebi tak harmonizerala. Ni zabadof Štuban najboli, nemreš mu ga zabiti niti pod "r", navek je "na krivem" mestu. Da pre* golmana negdo iza njega odnese z nogum. Da pre* golmana i ovoga iza njega, ili on fula z nogum, negdo iza nje dve odnese z glavum. Coprija gđe. Mada Faka. Na su sreču kaj je Lučelnica iskusna ekipa v , divlemi i mirnemi, malonogometnemi vodami pak su sigurno več negde apsolverali ovu vrst problemov. Ili su kvalitetno spušili. Dok se orginal golman ne vrne na svoje staro radno mesto Mika je zaklenul butigu i nikoga ni puščal niti blizu. Veli da sem znal da bu to tak zišlo bi ja i ovoga svega hudoga cucka dopelal sim pak nek onda proba negdo dojti do gola.
Veli Zlatko, Koki, do des igra za vas? A, standardno... Buš napisal. Nemam ti olovke. Imaš tam i paper i olovku. Noge me boliju, nikam nemrem. Bum ti donesel. Ni me doma a i pošta ti denes ne dela a i videl sem da z brega ide Mrki pak nega za*. Prvi Šilakovci su došli v Boriščak vuru i pol prije službenoga otpirajna. Ne samo susretov nek i kotla i frižidera i šanka. Još je Poštar čekal da mu negovi dojdeju z plačke banke z drobnemi penezi. Veliju, mi smo mislili da to počima, kak i Liga, ob pol četere. Tona se totalno opustil negde kak ladetina `zdele. Uspel je zaobijti se prepreke i kajle i zeti si malo mirovine i penzije. I razveseliti Fičeka. Šika počima furijozno - kak i protiv Pokoskoga pred dva dane. Kaj rezultera z istem; ak ponavlaš isti postupek nemreš se nadati drugačkomu rezultatu. Ili moreš? Il je to "taj" postupek? I "taj" rezultat? Ponuđeno na svoj način prihvača naboli strelec MNLTP5., teroga je negva ribičko-ribolovna karma prestigla i spraznila se jarke i ribnjake odkud su se ribe i žabe pobegle v Kupu, nektere i po suvem, ob pol dan. Činilo se da bi pak moglo biti kak i pred dve lete da su Obadi posle nezaboravne sezone v MNLVG imali mrzli tuš v Koča od Šljakerov z Turopola. Buša je z prstom spustil očala pet milimetri niže tak da je se vidi ober okvira kak na nišanu, podigel levu obrvu za prst i pol i značajno prozboril, khm-khm. Šprajceri Šike su se premestili z desne na levu nogu. Mrki je premestil pivu z desne v levu a z mrzlum desnum prešel čez sedu vunu. Nastala je neugodna tišina teru čak niti z bolum matorkum nebi mogel prerezati. Joža Šebekov je pivu premestil od "k sebe" na "gotov`s`" i rekel, dosta, ovak, glasno, dejte me najte *! To je razbilo muk a zvuk se pomalo počel vračati v film, kak na trakami z placa marke TDIC. Gledi to Jakop, zafrkava z nosom i pogleda Peru i Patrika; jel bumo? Veliju ovi, nekak da bumo, am nismo valda došli jest i pit. Da ga je Jakop dregnul, svetina je viknula, ide gajba! Deda Kumek se mam ze stolca okrenul prema šanku i viknul, kaparim jenu, niš naj v frižider nositi, mam z ladnače sim dej. I dej još jenu! Kušne mu deda nogu! Noga mu se pozlatila! Kakvo je to dete. Veliju ludi, am, ni to više dete... Veli Kumek, ja ga još navek vidim kakov je bil. Još bu puno pive preteklo dok ga drugačkoga nem videl.
Nisu bili dresi od Zlopačene device. Jena totalno apstraktna kombinacija z dozum šarma i dve šake dekadencije de si na terenu imaju iste drese, i nijovi i naši, od kluba "Mali Boro United". Naše "Super 7" ima drese od Bekema, orginal, ne ovoga našega, a nijove "Super 9" imaju se druge. I markere. Dosta, ovak, futuristički dizajn, kaj čoveka ne navodi na razmišlajne nek više v blokadu. Ali ak to voliju mladi volimo i mi. Veli Mika, ak ste njem mogli zeti 800 dresov od Bekema kaj mene niste jenoga od Viktorije. Neznam kaj se baš trefilo TP, jel krpanje kvoruma, prejaka rosa, preretki zrak, kriva nadmorska visina il krivi horoskop ali of naš Bekem se nazabijal "ko pravi".
Da se činilo da nam još samo fali karamela na brdu karamele, da se "ukokamo" od veselja ("ukokali" bi, i smo, se i inače ali...) i nastojali smo ignorerati glase kaj su puščeni z opčinskoga središča o hitajnu puške živicu kaj smo smatrali da je "velika varka maloga Marka" pogled na brojno stajne na paperu, na licu i situaciju fizičko-kemijski nas je prizemljil. "Mala svadba" kaj več tjeden dan traja na Kravarske rezulterala je z kratkum klupum. Da su to videli Kočani rekli su, dooobrooo, onda bute sat videli kaj znači "rastepajne ruške tepače" i "de kusa * nosi", na laganini. Golmanu je rano pukel vodenjak, skočil žučni tlak i vmorilo ga očno zapalenje kaj je pak mega Ivicu natiralo da se parkera med stative. A Turopolci igraju "vezak vezla Kočanka mlada". Vuz dužno poštovajne još mi je najboli dojam ostavila karavarska "8" kaj se v Lige baš ni naigrala ali v ove utakmice bez rezultackoga imperativa je mogla pustiti kočnicu i dodati gas.
Nate kaj zameriti. Do se još po istine pomogel. Da pijem kolu pišem gluposti.
